Thirukural
680 of 1330 - திருக்குறள் 680 of 1330
குறள் பால் : பொருட்பால். குறள் இயல் : அமைச்சியல். அதிகாரம் : வினைசெயல்வகை.
உறைசிறியார் உள்நடுங்கல் அஞ்சிக் குறைபெறின்
கொள்வர் பெரியார்ப் பணிந்து.
Translation:
The men of lesser realm, fearing the
people's inward dread,
Accepting granted terms, to mightier ruler
bow the head.
Explanation:
Ministers of small states, afraid of their
people being frightened, will yield to and acknowledge their superior foes, if
the latter offer them a chance of reconciliation.
கலைஞர் உரை:
தம்மைவிட வலிமையானவர்களை எதிர்ப்பதற்குத் தம்முடன் இருப்பவர்களே அஞ்சும்போது தாம் எதிர்பார்க்கும் பலன் கிட்டுமானால் அவர்கள் வலியோரை வணங்கி ஏற்றுக் கொள்வார்கள்.
[ads-post]
மு.வ உரை:
வலிமை குறைந்தவர், தம்மை சார்ந்துள்ளவர் நடுங்குவதற்காக தாம் அஞ்சி, வேண்டியது கிடைக்ககுமானால் வலிமைமிக்கவரைப் பணிந்தும் ஏற்றுக் கொள்வர்.
சாலமன் பாப்பையா உரை:
சிறிய இடத்தில் வாழ்பவர், தம்மிலும் பெரியவர் எதிர்த்து வரும்போது அவரைக் கண்டு தம்மவர் நடுங்குவதற்கு அஞ்சி அப்பெரியவரைப் பணிந்து ஏற்றுக் கொள்வர்.
மணக்குடவர் உரை:
உறையும் இடம் சிறியார் தமது இடம்
நடுங்குதற்கு அஞ்சித் தமது குறைதீரப் பெறின் தம்மின் பெரியாரைத் தாழ்ந்து நட்பாகக்
கொள்வர். இது
சிறையானால் இவ்வாறு செய்தல் வேண்டுமென்றது.
பரிமேலழகர் உரை:
உறை சிறியார் - ஆளும் இடஞ்
சிறியராய அமைச்சர்; உள்நடுங்கல்
அஞ்சி -தம்மின்
வலியரால் எதிர்ந்தவழித் தம்பகுதி நடுங்கலை அஞ்சி; குறைபெறின் பெரியார்ப் பணிந்து கொள்வார் - அந்நிலைக்கு
வேண்டுவதாய சந்து கூடுமாயின், அவரைத் தாழ்ந்து அதனை ஏற்றுக் கொள்வர். (இடம்: நாடும் அரணும். அவற்றது சிறுமை
ஆள்வார்மேல் ஏற்றப்பட்டது.
மெலியாரோடு சந்திக்கு வலியார் இயைதல் அரிதாகலின், 'பெறின்' என்றார். அடியிலே
மெலியாராயினார் தம் பகுதியும் அஞ்சி நீங்கின் முதலொடும் கெடுவராகலின், அது வாராமல்
சிறிதுகொடுத்தும் சந்தியை ஏற்றுக்கொள்க என்பதாம். பணிதல் மானமுடையார்க்குக் கருத்து
அன்மையின் , 'கொள்வர்' என உலகியலால்
கூறினார், இவை
மூன்று பாட்டானும் மெலியான் செய்யும் திறம் கூறப்பட்டது.)